שאלי שרופה באש

טייערע אידן, רחמנים בני רחמנים, תושבי עירמאנט והגלילות,

א שרעקליכע טראגעדיע האט פאסירט ביי אונז אין שכנות. א חשוב’ע משפחה, וואס איז שטענדיג גרייט צו העלפן אנדערע, איז ליידער געבליבן בערום ובחוסר כל, נאכדעם וואס א פייער האט אויסגעבראכן און פארברענט זייער גאנצע הויז.

יארן פון ארבעט און הארעוואניע איז פארוואנדלט געווארן אין אש.

די משפחה איז ארויס מיט בלויז די קליידער אויף זייער לייב. דאס גאנצע האב-און-גוטס, קליידער, צירונג, זילבער, חפצים, זכרונות, און תשמישי קדושה זענען ארויף צווישן די פלאמען.

רבותי, כל ישראל ערבים זה לזה! מיר קענען נישט שטיין אין א זייט ווען אונזערע אייגענע שכנים געפינען זיך אין אזא מצב.

לאמיר ארויסווייזן די שטענדיגע עירמאנט אחדות און ווארעמקייט איינער פאר'ן צווייטן און זיי ווייזן אז זיי זענען נישט אליין אין דעם שווערן זמן.

בזכות די גרויסע מצוה פון צדקה וחסד, זאלן מיר אלע געבענטשט ווערן מיט בני, חיי ומזוני רויחי, און מען זאל ביי אייך אין שטוב קיינמאל נישט הערן קיין שום שוד ושבר, נאר תמיד בשורות טובות, ישועות ונחמות.

גדולה צדקה שמקרבת את הגאולה! (ב"ב דף י' ע"א)

שקולה צדקה כנגד כל המצו‍ת! (ב"ב דף ט' ע"א)