די גואטעמאלא אידנטום בעהט זיך: השלם זה המקוה...

די וואויל און ברייט באקאנטע הייליגע קהילה 'אור חדש דרב"י' אינעם ווייטן גואטעמאלא יצ"ו, איז שוין היינט ברייט באקאנט פאר אחב"י איבער די גארער וועלט, ווען פון א קליינע חבריא קדישא פון עטליכע ערליכע אפגעהיטענע גרי הצדק, איז אויסגעשטיגן א הערליכע קהילה קדושה בישראל, פון אריבער 30 משפחות, וועלכע ציילט זיך אריבער 100 נפשות בליעה"ר. זיי לעבן אפגעזונדערט פון די רוישיגע וועלט, און דינען דעם אויבערשטן, און שטעלן אויף הייליגע אידישע שטובער מיט גרויס מסירות נפש, אונטער שווערע אומשטענדן, און פארשפרייטן א ליכטיגע אור אויפן גאנצען צענטראל אמעריקאנע ראיאן.

ברוב שבח והודאה להשי"ת די לעצטע עטליכע יאר האט מען מיט גרויס מסירות נפש - אונטער די הדרכה פון הרבנים הגאונים הצדיקים שליט"א וועלכע שטיין בראש פון די קהילה - אויפגעשטעלט א הערליכע ביהמ"ד, מקוה, א תלמוד תורה, בית חינוך לבנות, א ישיבה קטנה ועוד, וועלכע וואקסן און בליען לשם ולתפארת. כה יתן ה' וכה יוסיף.

די ערשטע יסוד וואס די רבנים שליט"א האבן אראפגעשטעלט גלייך אין אנהויב, אז די קהילה ברויך ווי פארשטענדליך פארמאגן א אייגענע 'מקוה טהרה' וועלכע זאל זיין אויסגעהאלטן מיט אלע חומרות והידורים, און דערמיט אראפשטעלן א יסוד נאמן פאר די דורות הבאים בקדושה וטהרה.

אין די לעצטע 2 יאר האבן די רבנים הגאונים שליט"א און די געטרייע עקסנים אריינגעלייגט גאר אסאך כוחות צו קענען אויפבויען דעם הערליך מקוה טהרה. אסאך שוועריקייטן איז אינטערגעקומען, און אסאך מסירות נפש האט זיך געפאדערט דערפאר. און מיט די הילף פון חשובע נדיבים בעם הי"ו וועלכע האבן זיך געלאזט קאסטן גרויסע געלטער, האלט מען ב"ה דא אט אט ביים גמר הבניה פון די הערליכע מקוה טהרה.

את אחי אנכי מבקש....

עס פעלט נאך אויס איבער $100,000 כדי צו קענען גומר זיין די מקוה טהרה, און עס קענען אהערשטעלן פאר באנוץ בקרוב ממש.

מיר בעטן אחב"י. אנא שאו ידיכם קודש! נעמט אנטייל אין די הייליגע מצוה רבה, וואס די זכותים דערפון איז דאך אין לשער כידוע, און דערמיט האט איר א טייל פון מרבה זיין קדושה וטהרה ביי אחינו בני ישראל, גרי הצדק בני אברהם אבינו, און זענט דערמיט מקיים די די פולע מצוות און אזהרות פון 'ואהבתם את הגר'.

ויה"ר אז די גרויסע זכותים זאל אייך ביישטיין להתברך בכל מידי דמיטב, בני ברוכי וחיי ארוכי ומזוני רוויחי, ונחת דקדושה עד אין סוף.