מיר ווענדען זיך צו אלע חשובע בינעטה אייניקלעך הי"ו
איינער פון אונזערע חשובע ערשטע קוזינס, וועלכע איז אלע יארן א נהנה מיגיע כפיו, אבער איז ליידער צוגעקומען צו א מצב וואו אין הקומץ משביע את הארי, וואו ער קען זיך ליידער נישט דעקן אויף די טעגליכע בודזשעט. זיין הויז איז ליידיג ממש מכל וכל. ובפרט נאכן חתונה מאכן היי יאר 2 קינדער, און האלטנדיג פארן חתונה מאכען נאך א קינד בשעה טובה ומצלחת. חתונה מאכן 3 קינדער אין 12 חדשים איז כמובן לכל א ריזיגע ריזיגע עול.
אשר על כן ווענדען מיר זיך צו אלע קרובי המשפחה, אלע חשובע בינעטה אייניקלעך, נכדי זקינינו הרה"ח רבי יעקב ז"ל, צו ארויסהעלפען מיט וויפיל ס'איז נאר שייך, ומבשרך אל תתעלם, און סאיז זיכער אז אונזער זיידע ז"ל בגנזי מרומים וועט האבן א געוואלדיגע נחת רוח. ישר כח ותזכו למצוות.
היות ווי באקאנט זענען די הוצאות פון חתונה מאכן בערך 70-60 טויזענט דאלער לכה"פ, איז כדאי מיר זאלן קענען ארויסהעלפן אונזער טייערן קרוב מיט א געהעריגע הילף, בעהט מען זייער אז יעדער פון אונז זאל זיך משתתף זיין מיט עכ"פ $180US (די וואס קענען זיך ערלויבן, ווערן געבעטן זיך משתתף צו זיין מיט עכ"פ $360US)
נעמט אין באטראכט אז ביי רוב פון אונז איז ב"ה נישט קיין אפטע ערשיינונג צו דארפן ארויסהעלפן אן ערשטע קאזין, דעריבער איז אן איינמאליגע נדבה פון דעם אויבנדערמאנטן סכום זייער א חשובע זאך. פון די אנדערע זייט דארף מען שפירן די צער פון אונזער א נאענטער קרוב, און פרובירן צו לינדערן זיין צער. לויט די פוסקים איז העלפן א קרוב פון די גרעסטע דרגות אין צדקה.
