גאר אן אויסנאמליכער פאל, פאדערט גאר זאפארטיגע רעספאנס, און ברוך השם, מ' רעדט נישט פון א קרן יתומים קאמפיין, יעדער לעבט ב"ה, יעדער איז ב"ה געזונט און שטארק, און טאקע דערפאר מוזן מיר טאקע שוין יעצט טוען צו די זאך, עס זאל טאקע בע"ה בלייבן אלעס אין ארדענונג!

ס'איז די רעדע פון א גאר נאנטע טייערע חבר און קרובת א גאר חשובער אינגערמאן, ער האט ב"ה א שטוב מיט קינדער בליעה"ר, זיך קיינמאל נישט אנגעלייגט אויף א צווייטן, געארבעט אלע יארן מן הבוקר ועד הערב, צו זיין א נהנה מיגיע כפו, און נישט דארפן אנקומען צו א צווייטן. אויך ארבעט ער א גאנצן טאג שווער אויף פרנסה בנאמנות, און אזוי פירט ער זיין שטוב לשם ולתפארת.

אצינד גרייט ער זיך ב"ה צו חתונה מאכן אין די קומענדיגע וואכן, און אויפן ביליגסטן שפארזאמסטן אופן מוז זאפארט געשאפן ווערן א ריזיגע סומע צו ראטעווען אונזער חשובער ידיד פון צוזאמענברוך! לאמיר אים אנטקעגן קומען מיט דעם גאנצן סכום, ער זאל קענען צוגיין צו די חתונות מיט א פרייליך געמיט. געלט טאר נישט קיין אפהאלט! מיר מוזן שוין טוען צו די זאך!