די ביטערע מציאות

אונזער הארץ בלוטיגט. א יונגער, אומשולדיגער חסידישער חתן געפינט זיך פּלוצלינג הינטער גרעטעס, אונטער די שווערסטע און קאמפליצירטע באשולדיגונגען וואס מען קען זיך נאר פארשטעלן.

די סיסטעם באשולדיגט אים אין "שפּיאנאזש פאר איראן" – א קלאגע וואס קשיוועט דעם שכל און האט נישט קיין שום שייכות מיט די מציאות!

וואס איז באמת געשען?

דער בחור, מיט זיין פולער תמימות, האט באקומען א לינק. ער האט געקליקט דערויף אן טראכטן צוויי מאל. מען האט אים דארט געבעטן צו גיין כאפן אפאר פשוט'ע בילדער פון עטליכע פלעצער, און אלס באלוינונג וועט ער באקומען $20.

פאר אים האט עס אויסגעזען ווי א נארישע קאטשעריי אדער א וויץ. ער האט נישט געהאט דעם מינדעסטן חשד אז דאס קומט פון א פרעמדער מדינה, און זיכער נישט פון א פיינטליכע מדינה וואס וויל אונז שלעכטס טון! ער האט עס געטון מיט אבסאלוטע תמימות און נאאיווקייט, אן טראכטן אפילו איין רגע קיין שלעכטס.

דער זייגער קלאפט – דער משפט איז דעם זונטאג!

די רעגירונג נעמט דעם ענין מיט די גרעסטע שטרענגקייט, און דעם קומענדיגן **זונטאג** קומט פאר דער קריטישער משפט וואס קען חלילה קאסטן זיין גאנצע צוקונפט. די אדוואקאטן מוזן גלייך קומען צוגעגרייט מיט די בעסטע פארטיידיגונג צו ווייזן די ריינע אמת: אז ער איז קיינמאל נישט געווען קיין שפיאן, נאר א קרבן פון א ביטערע טעות און נאאיווקייט!

מיר מוזן קאלעקטירן ווייניגסטנס $30,000 ביז זונטאג אינדערפרי כדי צו קענען דעקן די ערשטע פאזע פון די קאסטבארע לעגאלע הילף!

---

כל ישראל ערבים זה לזה!

דאס איז א ריינע מצוה פון **פדיון שבויים** אין איר פולסטן קראפט! א יונג לעבן שטייט אויף דעם שפיל. מיר קענען אים נישט לאזן פאלן אין די הענט פון די גרויזאמע סיסטעם צוליב א נארישע טעות.