הילקרעסט - א הערליכע חסיד'ישע געגנט, געגרינדעט געווארן מיט ניין יאר צוריק מיט בלויז איין משפחה, האט זיך ב"ה אויסגעברייטערט פון אלע זייטן, און זי ציילט זיך שוין צו איבער 100 משפחות קע"ה.

דער געגנט האט זיך ב"ה אוועקגעשטעלט מיט הייליגע אידישע יסודות, מיט א כשר'ע מקוה טהרה תיכף פונעם התייסדות. אבער די מקוה איז געווען גאר קליין, און גע'אייגנט נאר פאר גאר א קליינעם ציבור. אבער יעצט האט דער געגנט שוין אויסגעוואקסן דעם קליינטשיגן מקוה'לע, און ס'שוין נישט מעגליך געווען ווייטער אנצוגיין.

זענען די עסקני השכונה אריינגעשפרינגען אין א פראיעקט צו בויען א נייע פארגרעסערטע מקוה.

יעצט שטייען מיר שוין ביי א מצב אז דער נייער מקוה איז שוין האלבוועגס פארטיג, אבער עס איז נישטא קיין געלט עס צו ענדיגן.

דעריבער קומען יעצט די תושבי השכונה ארויס מיט א רוף צו ציבור, עמוד על ימינינו וסמכנו, העלפט אונז ארויס ענדיגן אונזער מקוה, אז מיר, אונזערע קינדער, און אונזערע בני בית זאלן האבן א מקוה צו קענען ניצן, וואס דאס איז נישט א באקוועמליכקייט, נאר דאס איז פון די סאמע יסודות פון אידישקייט און המשכת הדורות.

דאס איז נישט אבי נאך א מקוה אין א שטאט, דאס איז די איינציגסטע מקוה טהרה אין א גאנצע געגנט פון איבער הונדערט משפחות, וואס די זכות פון דעם איז אין לשער!

נעמט א חלק אין דעם הייליגן פראיעקט, און איר וועט זיכער זוכה זיין צו אלע סגולות פון ישועות און השפעות וכל טוב סלה.