ישיבה זכרון יעקב ספינקא. אזא לעכטיגע ישיבה ווי מ'שטייגט ברוחניות ובגשמיות, בעבודה וביראת שמים. א פלאץ ווי יעדע בחור האט הנאה צו זיין און זיך דרייען בין כותלי הישיבה.

די שובבי''ם האבן זיך די בחורים אויסגעצייכנט ספציעל אין שעות רצופות פון תורה, ווי יעדע בחור האט זיך ספציעל איבערשטרענגט און געלערנט פלייסיג.

אלץ הכרת הטוב האט די הנהלת הישיבה באשלאסן צו באלוינען די בחורים מיט א דערהויבענע שבת התוועדות אויף די בערג, אין די מרחקים, ווי די בחורים וועלן זיך אויסלופטערן און שעפן די פרישע כוחות אויף ווייטער.

פארשטייט זיך אז אזא אונטערנעמונג וועט אפקאסטן א הון תועפת אבער עס מוז ווערן אהערגעשטעלט. און מיט אייער הילף קען מען עס באווייזן. אי''ה פרשת תצווה וועט פארקומען די שבת בשבת אחים אויף די בערג אין טענערסוויל ניו יארק ווי די בחורים וועלן זיך אנשעפן מיט פרישע כוחות. ביטע זייט אייך משתתף מיט א שיינע סכום אז די שבת זאל צושטאנד קומען.