אונזער משפחה האט זיך צוזאמגענומען ארויסצוהעלפן בויען די מקוה אין שטאט באנועל פראנקרייך, לטובת א נאנטע משפחה מיטגליד וואס האט נאך ליידער נישט זוכה געווען לזרע של קיימא,

אין דעם שטאט וואוינען קרוב צו זעקס הונדערט ערליכע אידישע משפחות שומרי תורה ומצוות, מיט א חשוב'ע רב הרב ר' מאיר איזראעל שליט"א.

קרן מקוואות האט זיך אריינגעלייגט בכל תוקף ועוז אהערצושטעלן א הערליכע מקוה מיט אלע צוגעהערן, און פארשטייט זיך מיט די העכסטע סטאנדארטן אין כשרות אין שפיץ פון הרב ר' יצחק טריגער שליט"א,

ביז נאך סוכות וועט די מקוה שוין אי"ה שטיין ברוב פאר והדר און קענען אריינגיין אין באנוץ לשמחת לב פון די הונדערטער ערליכע אידן אין שטאט.

דעם מיטוואך און דאנערשטאג פרשת ראה איז באשטימט געווארן פאר'ן קאמפיין צוזאמצושטעלן דעם ריזן ציפער פון $120,000 למען טהרת וקדושת ישראל, וואס די זכות דערפון איז גאר גרויס, ווי מיר אליינס האבן שוין געזעהן דעם יד השם מיט א ישועה למעלה מכדרך הטבע, וכל שכן אין א שטאט פון אזויפיל ערליכע אידן, איז די זכות אוודאי גאר גרויס.