א נאנטע ידיד א תלמיד חכם מופלג, הנהנה מיגיע כפיו, וואס איז אריבער א שווערע פינאנציעלע צוזאמבורך, און קען שוין מער נישט דורכמאכן דעם חודש, טראץ וואס ער האט צוויי פול טיים דזשאבס, פלאס א שבת דזשאב, ביז עס האט זיך אנגעזאמעלט שווערע חובות פונעם עבר, נישט האבענדיג פלאץ אין מח צו קענען מאַכן א ריכטיגע פינאנציעלע פלאן פאר די עתיד, צוליב וואס ער איז פארנומען פון אינדערפריה ביז ביינאכט צו קענען דורכשטופן דעם חודש מיט די טאג טעגליכע הוצאות.

ביז מיר האבן שוין נישט געקענט צוזעהן זיין שווערע מצב וואס באו מים עד נפש, האבן מיר די נאנטע בני המשפחה און גוטע פריינט זיך צוזאמגענומען צו אוועקשטעלן א בעסערע עתיד פאר זיין משפחה, סיי מיט'ן העלפן אפצאלן די חובות, און סיי מיט ארויסהעלפן פאר די קומענדיגע תקופה, אזוי אז מען זאל קענען מאכן א בעסערע פינאנציעלע פלאן וויאזוי די משפחה זאל זיך קענען אוועקשטעלן אויף די אייגענע פיס, וואס ווי די הייליגע רמב"ם שרייבט שוין אויף דעם "שאין לך מעלה גדולה ממנו" און דאס איז דו שטערקסטע צדקה וואס איז שייך.