אונזער חשובע ידיד און קרוב שטייט ביי א שיידוועג.

פון איין זייט פירט א וועג צו חובות און פינאנציעלע צוזאמבראך, די צווייטע זייט שטייט א וועג פאר זיין לעבן ווייטער צו בליען און מיר זאלן אלע ווייטער קענען נהנה זיין פון זיין ווארעמקייט און נעימות.

איש חסיד - אונזער טייערע ידיד וקרוב איז א חסידישע ברען, א לעכטיגקייט, אבער - היה בלי מזון, ער מוטשעט זיך פאר זיין שטיקל ברויט, מיט דעם אלעם איזער ער א מחיה נפשות - ומחיה, זיין חיות און געשמאק באנעמט אונז אלע.

אונזער ידיד און קרוב איז נישט די סארט מענטש וואס וואלט געדארפט קלעטערן פאר הילף, ער איז א שטיק איידלקייט, א שטיק תורה און יראת שמים, א מוסטער פון א חסידישע יונגערמאן, צו דעם איז ער נאך א נהנה מגיע כפו וואס ארבעט שווער צו זיין זעלבסטשטענדיג.

אונזער הילף קען אים יעצט ראטעווען, לאמיר מאכן זיכער אז עס ווערט נישט א גרעסערע גרוב, אז מען שטעלט אים אוועק יעצט ווען ער האלט פאר צוויי חתונות בשטו"מ למז"ט.

צוויי חתונות אין ווייניגער ווי א יאר איז נישט גרינג אפילו פאר א גביר, אפגערעדט פאר אזא איינער וואס מוטשעט זיך מיט פשוט צו אהערשטעלן פאר זיין פאמיליע לחם לאכול ובגד ללבוש. עס איז אוממעגליך צו שטיין אין די זייט, עס איז אונזער פליכט אפצוהאלטן אזא ת"ח און דערהויבענע יונגערמאן פון ארונטערגיין אין א ים פון דרוק און חובות.

יעדע דאללער וואס איר געבט גייט גלייך צו די הוצאות החתונות, עס איז א דירעקטע הכנסת כלה אויף די העכסטע מדרגה, עס איז אין אייער זכות וואס אונזער חבר וקרוב וועט ווייטער קענען דינען דעם אייבירשטן כאוות לבו הטהור אן ווערן דערשטיקט פון די הוצאות השמחות.