טייערע ברודער: אונז האב מיר זיך צוזאמען גענומען ארויסצוהעלפן א איד א תלמיד חכם, וואס האלט אצינד פארן חתונה מאכן 2 קינדער וואס דאס אליינס וואלט מען געקענט אדורכשטופן, אבער ליידער האט מען פון הימל צוגעפירט אז מיט א צייט צוריק האט די משפחה געמוזט אויפגעבן די מקור הפרנסה צוליב דעם וואס זיי זענען פארנומען צו קומען און גיין ארויס פון ניו יארק, צו דאקטוירים מיט א קינד וואס מ'האט ליידער געטראפן די ביטערע מחלה ה"י, און דאס אליינס האט געמאכט אז אונזער חבר איז געווארן פארזינקען און חובות, זייענדיג א איד וואס נעמט אלעס אן באהבה האט ער זיך קיינמאל נישט אפגערעדט, אבער למעשה קומט יעצט די צייט ווען ער דארף אונטערפירן 2 קינדער אונטער די חופה און ס'איז נישטא מיט וואס צו גיין צום טיש.

אונז זעה מיר ווי שווער עס איז ליידער די מצב א גאנץ יאר מיט דעם אז די עלטערן דארפן כסדר זיין אוועק פון דערהיים מיטן קינד וואס איז ליידער נישט געזונט, און מיט די אלע חובות וואס ווערט נאר מער יעצט בשעת שמחתו, און נישט קענענדיג צוקוקן די צער און פיין פון די משפחה האבן מיר באשלאסן אז אונז קען מיר נישט צולאזן אז די פינאנציעלע מצב זאל צוגעבן צו די צער און אנגעשטרענגטקייט בשעת די שמחות וואס דארף ווען צו זיין די פרייליכסטע צייט און מיר קענען נישט לאזן די משפחה אויפן וואסער.

אצינד בעטן מיר אייך טייערע ברודער, ווער קען דען נישט נוצן א זכות פאר די הייליגע טעג, פארן נייעם יאר, אונז זען מיר איבערגעגאנגען מיט דער איד די חשבונות פון די חתונות, מיט טייל פון זיינע חובות, עס מוז געשאפן ווערן אין די נעקסטע פאר טעג די סכום פון לכל הפחות הונדערט טויזענט דאללער, עפנטס אייערע הערצער מיט אייערע טעשער און לאמיר אראפנעמען די עול פון דעם איד, אז ער און די גאנצע משפחה זאלן קענען פראווען די חתונות מיט א פרייליכקייט.

און די זכות פון העלפן א איד און די צייט פון נויט און ראטעווען א משפחה פון אונטערגאנג זאלט איר קיינמאל נישט דארפן הערן פון די אלע מיטנאכענישן און האבן א כתיבה וחתימה טובה, און אויסבעטן א גוט, געבענטשט, און א זיס לעכטיג יאר פאר אייך און אייער משפחה.